આમ આદમી પાર્ટી ગુજરાત અધ્યક્ષ ઈસુદાન ગઢવીનો આજે જન્મદિવસ

આજ કલ ઓર આજ

તા. 10 જાન્યુઆરી Dt. 10 JANUARY
તારીખ તવારીખ : સંકલન : વિજય એમ. ઠક્કર

આમ આદમી પાર્ટી ગુજરાત અધ્યક્ષ ઈસુદાન ગઢવીનો આજે જન્મદિવસ

* આમ આદમી પાર્ટીના હાલ ગુજરાત પ્રદેશ પ્રમુખ અને ગુજરાતી ટીવી ન્યૂઝ એન્કર રહેલ ઈશુદાન ગઢવીનો દેવભૂમિ દ્વારકા ખાતે જન્મ (1982)
* શ્રેષ્ઠ ગાયક ક્ષેત્રે 8 રાષ્ટ્રીય પુરસ્કારો મેળવનાર હિન્દી અને દક્ષિણ ભારતની પ્રાદેશિક ફિલ્મોના ભારતના સૌથી લોકપ્રિય ગાયક યસુદાસ (કટ્ટાસેરી જોસેફ યેસુદાસ)નો કેરળ રાજ્યના કોચીન ખાતે જન્મ (1940)
ભારતીય સંગીતના ઇતિહાસમાં સૌથી મહાન ગાયકોમાંના એક તરીકે અને કેરળના સાંસ્કૃતિક પ્રતિક તરીકે પણ તેઓને વ્યાપકપણે ગણવામાં આવે છે
'કર્ણાટક સંગીત'ના પ્રખ્યાત શાસ્ત્રીય અને ફિલ્મ પ્લેબેક ગાયક એ મધુર અવાજ શ્રોતાઓ પર ઊંડી છાપ છોડી છે અને છ દાયકાની કારકિર્દીમાં હિન્દી ઉપરાંત, યેસુદાસે મલયાલમ, તમિલ, કન્નડ, તેલુગુ, બંગાળી, ગુજરાતી, ઉડિયા, મરાઠી, પંજાબી, સંસ્કૃત, રશિયન, અંગ્રેજી, લેટિન, અને અરબી ભાષાઓમાં 80,000 થી વધુ ગીતોને પોતાનો મધુર અવાજ આપ્યો છે 
એક જ દિવસમાં 11 જુદી જુદી ભાષાના ગીતો રેકોર્ડ કરવાનો કીર્તિમાન તેમના નામ પર છે 
પદ્મ વિભૂષણ, પદ્મશ્રી, સર્વશ્રેષ્ઠ પુરૂષ પ્લેબેક સિંગરનો રેકોર્ડ આઠ વખત સન્માન, પાંચ વખત ફિલ્મફેર એવોર્ડ સાઉથ, કેરળ, તમિલની રાજ્ય સરકારો દ્વારા આપવામાં આવેલા પુરસ્કારો સહિત 43 વખત શ્રેષ્ઠ પ્લેબેક સિંગર માટેનો રાજ્ય પુરસ્કાર જીત્યો છે 
અંધ સંગીત દિગ્દર્શક રવીન્દ્ર જૈને એક ઈન્ટરવ્યુમાં કબૂલાત કરી હતી કે, જો તેમને ફરી દ્રષ્ટિ પ્રાપ્ત થાય તો તે પ્રથમ વ્યક્તિ જેને જોવા માંગે છે તે યેસુદાસ હશે

* અરબ દેશોમાં સૌથી લાંબો સમય સુલ્તાન રહેલ ઓમાનનાં સુલ્તાન કાબૂસ બિન સૈદ અલ સૈદનું અવસાન (2020)
ઈ.સ.1970માં બ્રિટનનાં સમર્થનથી સુલ્તાન કાબૂસ તેમનાં પિતાને ગાદી ઉપરથી હટાવી પોતે ઓમાનનાં સુલ્તાન બન્યાં હતાં અને સુલ્તાન કાબૂસે લગ્ન કર્યા ન હતા, હવે તેઓનો ઉત્તરાધિકારી કોઈ નથી

* કેમેરાનાં લેન્સ, જાસુસી માટેનાં કેમેરા, વિમાનની બારીઓ અને ફિલ્મોનાં શૂટિંગ માટે વપરાતા અદ્રશ્ય કાચનાં શોધક કેથેરીન બ્લોગેટનો ન્યૂયોર્કમાં જન્મ (1898)

* શ્રીલંકાના ક્રિકેટ ખેલાડી (13 ટેસ્ટ, 40 વન ડે અને 16 ટી20 રમનાર) જેહાન મુબારકનો અમેરિકામાં જન્મ (1981)

* પૂર્વ કેન્દ્રીય મંત્રી અને કોંગ્રેસના આગેવાન મુરલી દેવરાનો મુંબઈ ખાતે જન્મ (1937)

* ફિલ્મફેર સહિત અનેક એવોર્ડથી સન્માનિત લોકપ્રિય ફિલ્મ દિગ્દર્શક બાસુ ચેટર્જીનો જન્મનો અજમેર ખાતે જન્મ (1930)

* બોલિવૂડ નિર્માતા - દિગ્દર્શક રાકેશ રોશનના પુત્ર અને અભિનેતા હ્રિતિક રોશનનો જન્મ (1974)

* ભારતીય વાંસળીવાદક રાકેશ ચૌરસિયાનો જન્મ (1971)

* તમિલ, મલયાલમ અને તેલુગુ ફિલ્મોમાં અભિનેત્રી પ્રિથા હરીનો જન્મ (1983)

* બોલિવૂડ અભિનેતા ઓમી વૈદ્યનો અમેરિકામાં જન્મ (1982)

* નેશનલ એવોર્ડ અને ફિલ્મફેર એવોર્ડથી સન્માનિત બોલિવૂડ અભિનેત્રી કલકી કોચલીનનો પોંડીચેરી ખાતે જન્મ (1984)

* તમિલ, તેલુગુ અને મલયાલમ ફિલ્મોમાં અભિનેત્રી ઐશ્વર્યા રાજેશનો જન્મ (1990)

* ટીવી અભિનેત્રી દ્રષ્ટિ ધામીનો મુંબઈ ખાતે જન્મ (1985)

* પેરુમાં જ્વાળામુખીને કારણે સક્રિય બનેલા ધોધને કારણે લગભગ 4 હજાર જેટલા લોકોને જાન ગુમાવવાનો વારો આવ્યો, 9 નગર અને 7 ગામ આ ધોધને કારણે નેસ્તનાબૂદ થયાં (1962)

* વિશ્ચ હિન્દી દિવસ *
વડાપ્રધાન મનમોહન સિંહે દર વર્ષે 10 જાન્યુઆરીને વિશ્વ હિન્દી દિવસ તરીકે ઉજવવાની જાહેરાત કરી (2006)

* ભારત સરકારે ગોલ્ડ કંટ્રોલ સ્કીમ રજૂ કરી (1963)
જે અંતર્ગત 14 કેરેટથી વધુની જ્વેલરી પર પ્રતિબંધ મૂકવામાં આવ્યો હતો

* પાકિસ્તાનની જેલમાં નવ મહિના કરતાં વધુ સમય પસાર કર્યા પછી, શેખ મુજીબુર રહેમાન રાષ્ટ્રપતિ તરીકે સ્વતંત્ર રાષ્ટ્ર બનવા બાંગ્લાદેશ પહોંચ્યા (1972)

* ભારતની અગ્રણી ઓટોમોબાઈલ કંપની 'ટાટા મોટર્સ' એ એક લાખ રૂપિયાની કાર 'નેનો' રજૂ કરી (2008)

* વિશ્વની પ્રથમ ભૂગર્ભ ટ્રેન સેવા લંડનમાં શરૂ થઈ (1863)

***