કરાઓકે ક્લબ બાકરોલ દ્વારા ગીત સંગીત નો માય સ્ટેજ માય શો કાર્યક્રમ યોજાયો

કરાઓકે ક્લબ બાકરોલ દ્વારા ગીત સંગીત નો " માય સ્ટેજ માય શો " કાર્યક્રમ યોજાયો

વોઇસ ઓફ મુકેશ તરીકે જાણીતા જી.એન. ભાવસાર તેમજ સ્વર કિન્નરી કલ્પના પટેલે જુના ફિલ્મી ગીતો ગાઈ દર્શકોના મન મોહી લીધા

આણંદ ટુડે | આણંદ
શિક્ષણ ક્ષેત્રે જાણીતી નગરી વિદ્યાનગર પાસે આવેલ આણંદના બાકરોલ સ્ક્વેર ખાતે કરાઓકે ફેમિલી ક્લબ અને રમેશભાઈ બખાઈના સહકાર થી એક ફિલ્મી ગીતોનો ભવ્ય કાર્યક્રમ યોજાઈ ગયો આ કાર્યક્રમની શરૂઆત શ્રદ્ધા બેન ભાવસારના કર્ણપ્રિય અવાજમાં ચાર ચાર બંગડી વાળી ગાડી લાવી દઉં. થી શરૂ કરી જમાવટ કરી ત્યારબાદ લગભગ 30 જેટલા ફિલ્મી ગીતો વિવિધ ગાયકો એ પોતાની આગવી શૈલીમાં  રજૂ કરીને ઉપસ્થિત તમામ દર્શકોના મન મોહી લીધા હતા.

આ કાર્યક્રમમાં સમગ્ર ચરોતરમાં વોઇસ ઓફ મુકેશ તરીકે જાણીતા જી.એન. ભાવસાર તેમજ સ્વર કિન્નરી કલ્પના પટેલ દ્વારા નવા તથા જુના ફિલ્મી ગીતોની આબેહૂબ રજૂઆત કરી કાર્યક્રમમાં ચાર ચાર લગાવી દેવામાં આવ્યા હતા નવોદિત કલાકારોને જરૂરી માર્ગદર્શન અને ગીત સંગીત અને  ગાયકીનું પ્લેટફોર્મ પૂરું પાડવા માટે 118 મેમ્બર્સ ધરાવતી જાણીતી સંસ્થા કરાઓકે ફેમિલી કલબ દ્વારા સમગ્ર કાર્યક્રમનું સંચાલન ગોપાલભાઈ શાહ તેમજ રમેશભાઈ દ્વારા કરવામાં આવ્યું હતું. કાર્યક્રમમાં હાજર તમામ દર્શકો સંગીત રસથી રસ તરબોળ થઈ જવા પામ્યા હતા . કલબ દ્વારા જાણવા મળ્યું તે મુજબ આઠ વર્ષ થી કાર્યરત આ ક્લબ દ્વારા ભૂતકાળમાં રેકોર્ડ બ્રેક સતત 146 કલાક સુધી ગીતો ની અવિરત રજૂઆત કરીને એક *ઓ માય ગોડ* નામે માઈલસ્ટોન વર્લ્ડ રેકોર્ડ  સ્થાપવામાં આવેલ હતો અને આગામી દિવસોમાં એક આવો જ ભવ્ય કાર્યક્રમ યોજવા જઈ રહ્યાં છે.