AnandToday

આજ કલ ઓર આજ

તા. 11 જાન્યુઆરી Dt. 11 JANUARY

તારીખ તવારીખ : સંકલન : વિજય એમ. ઠક્કર

હિન્દી ફિલ્મ આશિકીથી લોકપ્રિય બનેલી અભિનેત્રી અનુ અગ્રવાલનો આજે જન્મદિવસ

આશિકી ફિલ્મથી લોકપ્રિય બનેલી અભિનેત્રી અનુ અગ્રવાલનો જન્મ 11 જાન્યુઆરી, 1969 ના રોજ નવી દિલ્હીખાતે એક મધ્યવર્ગીય પરિવાર થયો હતો. 1990ની સુપરહિટ ફિલ્મ આશિકીથી બોલીવુડમાં આગવું સ્થાન મેળવ્યું. બાદમાં થોડી ફિલ્મોમાં કામ કર્યું. કાર અકસ્માત બાદ ફિલ્મોથી દૂર થઈ યોગ અને આધ્યાત્મિક જીવન અપનાવ્યું.

* મહિલા સિંગલ્સમાં નંબર વન ભારતીય ટેનિસ ખેલાડી અંકિતા રવિન્દરક્રિશન રૈનાનો ગુજરાતમાં અમદાવાદ ખાતે જન્મ (1993)
રૈનાએ ITF સર્કિટ પર 11 સિંગલ્સ અને 23 ડબલ્સ ટાઇટલ સાથે ડબલ્યુટીએ ટૂર પર એક ટાઇટલ અને ડબલ્યુટીએ 125 ટુર્નામેન્ટ (બંને ડબલ્સમાં) જીત્યું છે
એપ્રિલ 2018 માં, તેણીએ પ્રથમ વખત ટોચના 200 સિંગલ્સ રેન્કિંગમાં પ્રવેશ કર્યો, આ સિદ્ધિ હાંસલ કરનાર ભારતનું પ્રતિનિધિત્વ કરતી માત્ર પાંચમી ખેલાડી બની છે 
અંકિતાએ 2016 સાઉથ એશિયન ગેમ્સમાં મહિલા સિંગલ્સ અને મિક્સ ડબલ્સમાં પણ ગોલ્ડ મેડલ જીત્યો હતો

* ઉત્તરપ્રદેશનાં વારાણસી પાસેના મુગલસરાયમાં જન્મેલ ભારતનાં બીજા વડાપ્રધાન લાલ બહાદુર શાસ્ત્રીનુંં પાકિસ્તાન સાથે શાંતિ અંગેનાં કરારનાં કર્યાનાં માત્ર 12 કલાક પછી તાશ્કંદ (આજે ઉઝબેકિસ્તતાનની રાજધાની)માં અચાનક અવસાન (1966)
તેઓ તા. 9 જૂન, 1964 થી 11 જાન્યુઆરી, 1966 દરમિયાન વડાપ્રધાન પદ પર રહ્યાં હતાં
તેમનું નામ લાલ બહાદુર શ્રીવાસ્તવ, પરંતુ તેમને અભ્યાસમાં શાસ્ત્રીની ઉપાધિ મળી હતી જે તેમના નામ સાથે કાયમ જોડાયેલી રહી
તેમનો નારો "જય જવાન, જય કિસાન" આજે પણ પ્રખ્યાત છે
એક રેલવે દુર્ઘટના જેમાં ઘણા લોકો માર્યા ગયા હતાં, માટે પોતાને જવાબદાર ઠેરવતા તેમણે રેલવે મંત્રીનાં પદેથી રાજીનામું આપી દેતા દેશ તેમજ સંસદે તેમની આ અભૂતપૂર્વ પહેલને બિરદાવી હતી

* અર્જુન એવૉર્ડ, ‘પદ્મ શ્રી’ અને ‘પદ્મ ભૂષણ’થી સન્માનિત 'ધ વોલ’ અને ‘મિ.ડિપેન્ડેબલ’નાં નામથી ઓળખાતા બેટ્સમેન રાહુલ દ્રવિડનો ઇન્દોરમાં જન્મ (1973)
તેઓ ભારતીય ક્રિકેટ ટીમના કોચ છે અને ટીમના ભૂતપૂર્વ કેપ્ટન રહેવા સાથે વિશ્વના શ્રેષ્ઠ બેટ્સમેનોમાંના એક છે
દ્રવિડે પોતાનાં કરિયરમાં 164 ટેસ્ટ મેચ રમી 13288 રન અને વનડેમાં 344 મેચ રમી, 10889 રન બનાવ્યાં છે
ટેસ્ટ ક્રિકેટનાં ઈતિહાસમાં દ્રવિડ એકમાત્ર એવો બેટ્સમેન છે, જેમણે 30 હજારથી વધુ બોલ રમ્યા છે

* શ્રીમંત પરિવારમાંથી આવતા ભારતના સૌથી નાની વયના મહિલા જાસૂસ સરસ્વતી રાજામણીનો મ્યાનમારમાં જન્મ (1927)
તેઓ 16 વર્ષની ઉંમરે નેતાજી સુભાષ ચંદ્ર બોઝના શક્તિશાળી શબ્દોથી પ્રેરિત થઈ સિંગાપોરમાં આઝાદ હિંદ ફોજમાં જોડાઈ સ્વતંત્રતા સંગ્રામમાં ઝંપલાવ્યું અને સરસ્વતી રાજમણિ તેમની સાથી દુર્ગા સાથે અંગ્રેજ સૈનિકોની છાવણીમાં વાળ કાપી એક છોકરા તરીકે શિબિરમાં રહી બ્રિટિશ સૈનિકોના કપડાં ધોતી અને પગરખાં પોલીશ કરતી વખતે તેમણે ઘણી મહત્વની માહિતી એકઠી કરી હતી

* ન્યુઝિલેન્ડનાં પર્વતારોહક સર એડમંડ પર્સિવલ હિલેરીનું ઓકલૅન્ડમાં અવસાન (2008)
એડમંડ હિલેરી અને નેપાલી પર્વતારોહક તેનઝિંગ નોર્ગેએ (તા. 29 મે, 1953) માઉન્ટ એવરેસ્ટ પર પહોચવાવાળાં સૌ પ્રથમ પર્વતારોહી બન્યાં હતાં
વર્ષ 1985 થી 1988 દરમિયાન તેમણે ભારત અને બાંગ્લાદેશમાં ન્યુઝીલેન્ડનાં હાઇ કમિશનર તરીકે અને એક સાથે નેપાળના રાજદૂત તરીકે સેવા આપી હતી

* ગુજરાતી વાર્તાકાર, નવલકથાકાર કુંદનીકા કાપડિયાનો સુરેન્દ્રનગર જિલ્લાનાં લીંબડીમાં જન્મ (1927)
તેમની નવલકથા ‘સાત પગલાં આકાશમાં’ માટે ઈ.સ.1985માં સાહિત્ય અકાદમી, દિલ્હીનો પુરસ્કાર મળ્યો હતો
ઈ.સ.1955 થી 1957 સુધી ‘યાત્રિક’ અને ઈ.સ.1962 થી 1980 સુધી ‘નવનીત’ મેગેઝીનનાં સંપાદક રહ્યાં
તેમણે પતિ મકરંદ દવે (કવિ અને ફિલસૂફ) સાથે વલસાડ પાસે ‘નંદીગ્રામ’ આશ્રમમાં જીવન ગાળ્યું જે આશ્રમનાં તેઓ સહસંસ્થાપક હતાં

* ભારતીય સમાજ સુધારક કૈલાશ સત્યાર્થીનો મધ્યપ્રદેશનાં વિદિશા ખાતે જન્મ (1954)
ઈ.સ.2014માં તેઓ બાળકો અને યુવાન લોકોનાં દમન સામે અને તેમનાં બાળકોનાં શિક્ષણનાં અધિકાર માટેનાં સંઘર્ષ બદલ મલાલા યુસુફઝાઇની સાથે નોબલ શાંતિ પુરસ્કારનાં સહ પ્રાપ્તકર્તા હતાં

* પૂર્વ કેન્દ્રીય મંત્રી અને પત્રકાર એમ જે અકબરનો જન્મ (1951)

* ઝારખંડ રાજ્યના પ્રથમ મુખ્યમંત્રી બાબુલાલ મરાંડીનો જન્મ (1958)

* ઝારખંડ રાજ્યના ત્રણ વખત મુખ્યમંત્રી બનેલ શિબુ શોરેનનો જન્મ (1944) 

* ભારતના ક્રિકેટ ખેલાડી (6 ટેસ્ટ રમનાર) ચંદ્રશેખર ગડકરીનું અવસાન (1998)

* હનિફ મોહંમદ એ સર ડૉન બ્રેડમેનના 452 રનના રેકોર્ડ ને પાર કરી 499 નો પર્સનલ રેકોર્ડ સ્કોર (ફર્સ્ટ ક્લાસ મેચમાં) નોંધાવ્યો (1959)

* ગુજરાતી ફિલ્મોના સફળ નિર્માતા - દિગ્દર્શક ગોવિંદભાઇ પટેલનો જન્મ (1943)

* 'ભારતીય શાસ્ત્રીય સંગીત'ની ધ્રુપદ-ધમારા શૈલીના ખયાલ, ઠુમરી અને મૈથિલી લોકગીતોના અનોખા ગાયક પંડિત રામ ચતુર મલ્લિકનું અવસાન (1990)

* મરાઠી અને હિન્દી સિનેમામાં સક્રિય ફિલ્મ અભિનેત્રી રેખા કામતનું અવસાન (2022) 

* બોલિવૂડ સંગીતકાર અને ગાયક મિથુનનો જન્મ (1985)

* ક્લાસિકલ ગાયિકા આશા ખાંડીલકરનો સાંગલી ખાતે જન્મ (1955)

* તેલુગુ પરિવારની દિકરી અને અમેરિકાની ગાયિકા રાજા કુમારી (સ્વેતા રાવ)નો અમેરિકામાં જન્મ (1986)

* હિન્દી ફિલ્મોના અભિનેત્રી અંજુ મહેન્દ્રનો જન્મ (1946)

* બોલિવૂડ ફિલ્મ અભિનેત્રી ફાતિમા સના શેખનો જન્મ (1992)

* ટીવી અભિનેત્રી આમ્રપાલી દૂબેનો જન્મ  (1987)

* બોલિવૂડ ફિલ્મ અભિનેતા વિવાન શાહનો જન્મ (1990)

* ગ્રાન્ડ કેન્યનને અમેરિકન પ્રમુખ થિયોડર રુઝવેલ્ટ દ્વારા રાષ્ટ્રીય સ્થાપત્ય જાહેર કરવામાં આવ્યું (1908)
નૈસર્ગિક સુંદરતા અને જૈવ સંપદાથી ભરપૂર આ પ્રદેશ વિશ્વનાં સૌથી શ્રેષ્ઠ અને જોવાલાયક સ્થળોમાં સમાવેશ પામે છે અને ગ્રાન્ડ કેન્યન આશરે 446 કિમીની લંબાઈ ધરાવે છે

* મિથુન ચક્રવર્તી, પદમિની કોલ્હાપુરે, ડેની, બિંદુ અને અસરાની અભિનિત રોમેન્ટિક ફેમિલી ડ્રામા ફિલ્મ 'પ્યાર ઝુકતા નહીં' રિલીઝ થઈ (1985)
દિગ્દર્શક : વિજય સદાનાહ, સંગીત : લક્ષ્મીકાંત પ્યારેલાલ

***