AnandToday

આણંદ જિલ્લા કલેક્ટર શ્રી પ્રવીણ ચૌધરીને બેસ્ટ ઇલેક્ટોરોલ પ્રેક્ટિસીસ – ૨૦૨૫ નો મળશે એવોર્ડ

રાષ્ટ્રીય મતદાતા દિવસે રાજ્યપાલશ્રી દ્વારા ગાંધીનગર ખાતે કરાશે એવોર્ડ એનાયત

આણંદ ટુડે | આણંદ,

 રાષ્ટ્રીય મતદાતા દિન નિમિત્તે જાહેર કરવામાં આવતા ચૂંટણી અને મતદાર જાગૃતિલક્ષી એવોર્ડમાં આણંદ જિલ્લાને સ્થાન મળ્યું છે. આણંદ જિલ્લાના કલેક્ટર શ્રી પ્રવીણ ચૌધરીને બેસ્ટ ઇલેક્ટોરોલ પ્રેક્ટિસીસ – ૨૦૨૫ માટે એવોર્ડ મળ્યો છે. તા.25 જાન્યુઆરી 2026ના રોજ રાજ્યપાલશ્રી દ્વારા આ એવોર્ડ ગાંધીનગર ખાતે એનાયત કરવામાં આવશે. 

રાજ્યમાં ૧૬ મો રાષ્ટ્રીય મતદાતા મહોત્સવ–૨૦૨૬ અંતર્ગત રાજ્યપાલશ્રીના અધ્યક્ષસ્થાને તા. ૨૫-૦૧-૨૦૨૬ ના રોજ સવારે ૧૧-૦૦ કલાકે સ્પીપા, ગાંધીનગર કેમ્પસ, સેક્ટર–૨૬, ગાંધીનગર ખાતે રાજ્યસ્તરીય કાર્યક્રમનું આયોજન કરવામાં આવ્યું છે. 

આ કાર્યક્રમમાં “બેસ્ટ ઇલેક્ટોરલ પ્રેક્ટિસિસ એવોર્ડ–૨૦૨૫” માટે રાજ્યભરના જિલ્લાઓમાંથી પ્રાપ્ત થયેલ પ્રવૃત્તિઓના મૂલ્યાંકન બાદ આણંદ જિલ્લા કલેક્ટર પ્રવીણ ચૌધરીની રાજ્ય કક્ષાએ બેસ્ટ જિલ્લા ચૂંટણી અધિકારી શ્રી ની કેટેગરીમાં પસંદગી કરવામાં આવી છે. આ અંતર્ગત આણંદ જિલ્લાને જિલ્લામાં અસરકારક ચૂંટણી વ્યવસ્થાપન તથા નવીન મતદાતા જાગૃતિ પ્રવૃત્તિઓ માટે રાજ્ય કક્ષાના પુરસ્કાર માટે પસંદ કરવામાં આવ્યો છે.

****