વિશ્વ યુવા કૌશલ્ય દિવસે સુર સંગમ દિવ્યાંગ કલાકારોના સંગીતે શ્રોતાઓને મંત્રમુગ્ધ કર્યા

વિશ્વ યુવા કૌશલ્ય દિવસે "સુર સંગમ": દિવ્યાંગ કલાકારોના સંગીતે શ્રોતાઓને મંત્રમુગ્ધ કર્યા

નમસ્કાર ગુજરાત દૈનિકના મેનેજિંગ તંત્રી અને સિને મીડિયા ફાઉન્ડેશન પ્રમુખ ડૉ. કલ્પેશ પટેલના વિશેષ સન્માન સાથે તેમનો જન્મદિવસ ઉજવાયો

NAB આણંદ અને જાગૃતિ મહિલા સમાજ દ્વારા આયોજિત ભવ્ય સંગીત મહોત્સવમાં દિવ્યાંગ યુવાનોની અદભુત પ્રતિભાનો આવિષ્કાર

આણંદ ટુડે | આણંદ

વિશ્વ યુવા કૌશલ્ય દિવસ નિમિત્તે વિઠ્ઠલ ઉદ્યોગનગર સ્થિત ભાનુભાઈ આઈ. પટેલ એલિકોન હોલ ખાતે "સુર સંગમ" કાર્યક્રમનું ભવ્ય આયોજન કરવામાં આવ્યું હતું. રાષ્ટ્રીય અંધજન મંડળ (NAB) આણંદ અને જાગૃતિ મહિલા સમાજના સંયુક્ત ઉપક્રમે યોજાયેલા આ કાર્યક્રમનો મુખ્ય ઉદ્દેશ દિવ્યાંગ યુવાનોને સશક્ત બનાવવાનો હતો.

આ કાર્યક્રમનું મુખ્ય આકર્ષણ NAB સંચાલિત "બ્લાઇન્ડ બીટ્સ ઓર્કેસ્ટ્રા" ના પ્રજ્ઞાચક્ષુ કલાકારો રહ્યા હતા. દ્રષ્ટિની મર્યાદા હોવા છતાં, કલાકારોએ પોતાની અદભુત સાધના અને આત્મવિશ્વાસથી શ્રોતાઓને મંત્રમુગ્ધ કરી દીધા હતા. પ્રસિદ્ધ પ્લેબેક સિંગર રાણા કરણસિંહે સદાબહાર ગીતોની રજૂઆત કરી કાર્યક્રમમાં સંગીતમય રંગ પૂર્યા હતા.આ કાર્યક્રમના પ્રેરણાસ્ત્રોત સોનલબેન પટેલ (ધારા ફૂડ્સ) રહ્યાં હતાં. 

કાર્યક્રમમાં નીપાબેન પટેલ (પ્રદેશ મહિલા મોરચા કારોબારી), વૈશાલીબેન દવે (બીજેપી મહિલા મોરચા પ્રમુખ વિધાનગર, વલ્લભ વિદ્યાનગર), આનલબેન પટેલ (બીજેપી મહિલા મોરચા મંત્રી વિધાનગર)વિવેકભાઈ વ્યાસ (માર્કેટિંગ મેનેજર, તનિષ્ક ,તનેરા સાડી મીઆ બાય તનિષ્ક વડોદરા આણંદ)ની ઉપસ્થિતિ માં નમસ્કાર ગુજરાત દૈનિક મેનેજિંગ તંત્રી અને સિને મીડિયા ફાઉન્ડેશન પ્રમુખ ડૉ કલ્પેશ પટેલનું વિશેષ સન્માન કરી આ અનેરા પ્રસંગે જન્મદિનની ની ઉજવણી કરવામાં આવી હતી .દિવ્યાંગ કલાકારોની આ અનોખી કલાત્મક રજૂઆત ઉપસ્થિત સૌ કોઈ માટે એક યાદગાર અને પ્રેરણાદાયી અનુભવ બની રહી હતી.